Poznat je prvi finalista…

KMF Brskovo – KMF Bajo Pivljanin 6 : 1( 3 : 1 )

Ekipa Brskova prvi je finalista u Prvoj Futsal ligi Crne Gore nakon pobjede u revanš meču polufinala od 6 : 1 protiv ekipe Baja Pivljanina,  čime su nadoknadili minus iz prvog meča koji je završen pobjedom Pivljana 3 : 1.

Meč je otvoren velikim pritiskom domaćina koji je rezultirao golom Voja Bojovića u 6.minutu. Nošeni podrškom publike, igrači Brskova su nastavili u istom ritmu dok su gostujući igrači vrlo rano ušli u problem sa faulovima što je igraču Brskova Bojanu Miniću omogućilo da iz dva kaznena udarca sa 10 metara uveća prednost domaćina na 3 : 0. Do kraja poluvremena Minić je imao priliku da iz još jednog kaznenog udarca uveća prednost ali je na golu gostiju briljirao Balša Đurković, koji je pored te odbrane imao i dva odbranjena udarca sa 6 metara i pregršt drugih intervencija. Do kraja poluvremena gosti preko Kandića uspijevaju da smanje zaostatak i vrate neizvjesnost oko plasmana u finale.

Nastavak meča donio je igru gostiju sa igračem više u polju,  čime su uspjeli da umanje pritisak domaćina ali i veliku nervozu kod igraca Baja Pivljanina koju je pruozrokovao sudijski kriterijum prilikom dosuđenih faulova, na šta su gosti imali puno primjedbi. U takvoj igri Nikola Radulović je u 31.minutu postigao gol za 4 : 1 što je domaćinu donosilo plasman u finale. Slijedi veliki pritisak gostiju i igra sa igračem više u polju ali Vidaković i Milanović iz kaznenog udarca sa 6 metara na kraju meča koriste takvu igru gostiju i postizu golove za konačnih 6 : 1.

Leave a Reply

This site uses Akismet to reduce spam. Learn how your comment data is processed.